Kolumbiyanın cənubunda neft kəməri partladılıb - VİDEO

Kolumbiyanın cənubunda yerləşən neft kəmərinin bir hissəsi naməlum şəxslər tərəfindən partladılıb.

“Report” un məlumatına görə, bu barədə “RCN” telekanalı məlumat yayıb.

Məlumata görə, hadisə Orito rayonunda baş verib. Naməlum şəxslər “Ecopetrol” dövlət enerji şirkətinə məxsus neft kəmərinin işini pozmaq üçün partlayıcı maddələrdən istifadə ediblər. Partlayış nəticəsində yanacaq Quamues çayına axıb.

“Ecopetrol” operatoru, çayın neftlə çirklənməsi barədə Putumayo departamentinin səlahiyyətli şəxslərinə məlumat verib.

“Hücum zamanı neft boru kəməri işlək vəziyyətdə olmayıb, ətraf mühitin daha da çirklənməməsi üçün məhdudlaşdırıcı klapanlar dərhal bağlanıb” deyə “Ecopetrol” Twitterdə yazıb.

El atentado produjo la rotura de la tubería y derrame de crudo en el sector, el cual afectó el río Guamues. La Empresa notificó a los Consejos Municipales de Gestión del Riesgo y Desastres de los municipios de Orito, Puerto Asís y Valle del Guamues y al Departamental de Putumayo. pic.twitter.com/Aic6FQBKd9

— Ecopetrol (@ECOPETROL_SA) October 5, 2019