Kolumbiyada zəlzələdən sonra beş hava limanı fəaliyyətini bərpa edib

Kolumbiyada güclü zəlzələ səbəbindən fəaliyyətini dayandıran beş hava limanı kommersiya uçuş xidmətini bərpa edib.

"Report" xəbər verir ki, bu barədə Kolumbiya Mülki Aviasiya İdarəsi məlumat yayıb.

Qurumun məlumatına görə, Ermənistan, Buenaventura, Kali, Kibdo və Manizales şəhərlərinin hava limanlarında kommersiya uçuşları bərpa edilib. Eyni zamanda, Kartaqo və Pereredəki hava terminalları bu günə qədər yalnız dövlət və xilasetmə xidmətlərinin xüsusi uçuşları üçün açıqdır.

Xatırladaq ki, avqustun 10-da Kolumbiyanın qərbində, Çoko departamentində 7,4 manqitudada dağıdıcı zəlzələ baş verib. Son məlumatlara görə, təbii fəlakət nəticəsində azı 234 nəfər ölüb.