Kolumbiyada təqaüddə olan venesuelalı general tutuldu

ABŞ-ın Narkotiklərlə Mübarizə İdarəsinin əməkdaşları, ABŞ polisi tərəfindən narkotik ticarəti və terrorizmlə əlaqəli ittiham olunaraq axtarışa verilən təqaüddə olan Venesuela Silahlı Qüvvələrinin general-mayoru Kliver Antonio Alkal Kordonesi Kolumbiyada saxlayıb.

“Report” xəbər verir ki, bu barədə “Reuters” öz mənbələrinə istinadən məlumat yayıb.

Məlumata görə, liman şəhəri olan Barankillada yaşayan Kordones agentlərə könüllü olaraq təslim olub, məhkəməyə müraciət edərək ABŞ-a ekstradisiyasıni istəyib və istintaqla əməkdaşlıq etməyə razılıq verib.

Təqaüdçü generalla olan amerikalılar cümə günü gecə Barankilldan ABŞ-a uçacaqlar.