Bakı. 29 dekabr. REPORT.AZ/ Kolumbiyada gecə klubunda baş vermiş partlayışda yaralananların sayı 40-a çatıb.
"Report" xəbər verir ki, bu barədə "Caracol" məlumat yayıb.
Məlumata görə, hadisə Kaukasiya şəhərində, Antiokiya departamentində qeydə alınıb. Xəsarət alanlardan 3-nün vəziyyətinin ağır olduğu bildirilir.
Partlayışın bir kişi və qadın tərəfindən törədildiyi bildirilir. Qeyd edilir ki, hadisənin arxasında "Körfəz klanı" dayanır.
İlk xəbərdə hadisə zamanı 30 nəfərin xəsarət aldığı bildirilirdi.