KİV: Vitkoff və Uolts Səudiyyə Ərəbistanında Rusiya ilə danışıqlarda ABŞ-ı təmsil edəcəklər

Rusiya nümayəndələri ilə danışıqlarda ABŞ tərəfdən aparıcı rol Prezident Donald Trampın Yaxın Şərq üzrə xüsusi nümayəndəsi Stiven Vitkoff və dövlət başçısının milli təhlükəsizlik üzrə müşavir Mayk Ultsa həvalə olunacaq.

“Report” xəbər verir ki, bu barədə “Bloomberg” mənbələrə istinadən məlumat yayıb.

Bildirilib ki, bununla bağlı ABŞ Prezidentinin Ukrayna və Rusiya üzrə xüsusi elçi Keyt Kelloqun danışıqlarda hansı rolu oynayacağı sualı yaranır.

Agentliyin məlumatına görə, Rusiya ilə ABŞ arasında təmaslar son bir həftə ərzində, xüsusən də Münxen Təhlükəsizlik Konfransında ABŞ-nin vitse-prezidenti Cey Di Vensin “dağıdıcı çıxışından” sonra intensivləşib.

Qeyd olunub ki, ABŞ və Rusiya yüksəkrütbəli rəsmilərinin görüşü gələn həftə Səudiyyə Ərəbistanında baş tuta bilər. Bildirilib ki, bu, ehtimal ki, iki ölkə liderlərinin mümkün sammitinə hazırlıq məqsədi daşıyacaq.