KIV: Tramp ABŞ-ın cənub sərhədlərini bağlamaq niyyətindədir

Bakı. 26 oktyabr. REPORT.AZ/ Ağ Ev Trampın xüsusi fərmanı ilə ABŞ-ın cənub sərhədlərini Latın Amerikasından gələn miqrantların üzünə bağlamaq imkanını nəzərdən keçirir.

"Report" xəbər verir ki, bu barədə "The Washington Post" administrasiya nümayəndəsinə istinadən xəbər verir.

Bildirilir ki, bu tədbir Mərkəzi Amerikadan ABŞ və Meksika sərhədinə istiqamətlənən miqrant karvanını dayandırmaq üsulu kimi müzakirə edilir.

Jurnalistlərin məlumatına görə, Donald Tramp 2017-ci ildə olduğu kimi (ötən il müsəlman ölkələrindən ABŞ-a gəlişin qadağan edilməsi nəzərdə tutulur – red), səlahiyyətlərindən istifadə edə bilər.