KİV: Misir sərhədindəki “Rəfah” keçid məntəqəsində 560-a yaxın amerikalı var

Misirin Qəzza zolağı ilə sərhədində yerləşən “Rəfah” nəzarət-buraxılış məntəqəsində azı 560 amerikalı var.

“Report” xəbər verir ki, bu barədə “Sada əl-Balad” telekanalı məlumat yayıb.

Məlumata görə, hazırda 560-a yaxın amerikalı Fələstin tərəfindəki “Rəfah” nəzarət-buraxılış məntəqəsindədir və Fələstin anklavından Misir ərazisinə keçmək üçün icazə gözləyir.

Bundan əvvəl CNN amerikalı rəsmiyə istinadən xəbər verib ki, Misir təhlükəsizlik təhdidinə görə Qəzza zolağı ilə sərhəddə yerləşən “Rəfah” nəzarət-buraxılış məntəqəsinin özünə aid tərəfinə ABŞ rəsmilərini buraxmayıb.