KİV: Almaniyanın silah ehtiyatları iki günlük döyüşlər üçün kifayət edəcək

“Bundesverin anbarlarındakı silah ehtiyatları iki günlük şiddətli döyüşlər üçün kifayət edəcək”.

“Report” xəbər verir ki, bu barədə almaniyalı ekspert Oliver Mudi “Times Radio”suna bildirib.

Mütəxəssis izah edib ki, Ukraynadakı münaqişə və Kiyevə silah tədarükü səbəbindən bütün Avropa qitəsində anbarlar tükənir. Onun sözlərinə görə, bu problem Almaniyada xüsusilə kəskindir, çünki Silahlı Qüvvələrin maliyyələşdirilməsinin azaldılması uzunmüddətli siyasətdir.

O bildirib ki, hazırda Berlin NATO-nun minimum tələblərinə cavab verən arsenalları bərpa etmək üçün ən azı 20 milyard avro xərcləməli olacaq.