Kim Çen In Cənubi Koreya ilə münasibətlərin yaxşılaşdırılması üçün sərəncam verib

Bakı. 7 yanvar. REPORT.AZ/ Koreya Xalq Demokratik Respublikası lideri Kim Çen In Cənubi Koreya ilə münasibətlərin yaxşılaşdırılması üçün şərait yaradılması barədə sərəncam verib.

“Report” xəbər verir ki, bu barədə Koreya Mərkəzi Teleqraf Agentliyinə istinadən TASS məlumat yayıb.

"Dövlət başçısı dəqiq şəkildə ifadə edib ki, ölkəmiz müstəqil birlik işində sıçrayış etməyə imkan verən siyasəti qətiyyətlə dəstəkləməlidir", - deyə məlumatın mətnində bildirilir.

Eyni zamanda qeyd olunur ki, Şimali Koreya lideri keçmişi qurdalamamağa, KXDR və Cənubi Koreya arasında münasibətlərin yaxşılaşdırılması istiqamətində işləməyə çağırıb:

"Keçmişi qurdalamaq və Seul ilə [qarşılıqlı münasibətləri] xatırlamağa gərək yoxdur. Bunun əvəzind, Şimal ilə Cənub arasında əlaqələri yaxşılaşdırmaq lazımdır".