KİV: Türkiyə vətəndaşlarına 2017-ci ilə qədər Aİ-də vizasız rejim verilməyəcək

Bakı. 23 may. REPORT.AZ/ Almaniya hökuməti Türkiyə vətəndaşlarının ilin sonunadək Aİ-də vizasız rejimə keçəcəklərinə inanmır. Berlin ilin sonunadək Ankaranın bütün öhdəliklərini yerinə yetirə bilməyəcəyini iddia edir.

"Report" xəbər verir ki, bu barədə "Bild" nəşri məlumatlı mənbəyə istinadən xəbər verib.

Qeyd edək ki, Türkiyə və Aİ 2013-cü ildən viza rejiminin liberallaşdırılması məsələsini müzakirə edir. Bu ilin mart ayında tərəflər Türkiyədən qanunsuz yolla Aİ-yə miqrant axınını dayandırmaq məsələsinin bir hissəsi kimi nəhayət razılıq əldə edib.