Keniyada daşqınlar zamanı bir qrup turist itkin düşüb

Keniyanın Nayvaşa şəhəri yaxınlığında yerləşən "Hell's Gate" milli parkında daşqınlardan sonra 5 turist və onların bələdçisi itkin düşüb.

“Report” RİA "Novosti"yə istinadən xəbər verir ki, bu barədə yerli "Standard Digital" nəşri məlumat yayıb.

Bildirilir ki, yağış günorta yağmağa başlayıb, tez bir zamanda daşqına çevrilib. Nəticədə milli parkdakı dərəni su basıb. Nəşrin məlumatına görə, həmin zaman turistlər dərədə olublar.