Keniyada 194 insan daşqın və sürüşmələrin qurbanı olub

Keniyada üç həftə davam edən arasıkəsilməz leysan yağışların səbəb olduğu daşqınlar və sürüşmələr nəticəsində 194 insan həlak olub.

“Report” “Anadolu” agentliyinə istinadən xəbər verir ki, bu barədə Keniyanın Daxili İşlər Nazirliyinin başçısı Fred Matianeqi jurnalistlərə bildirib.

Onun sözlərinə görə, ölkədə daşqınlarla əlaqədar təhlükənin səviyyəsi artıb.

"Təhlükəli regionların sakinləri təxliyə edilirlər. Bugünkü günə qədər 194 insan daşqınların və sürüşmələrin qurbanı oldu", - Matianeqi deyib.

Təbii hadisə nəticəsində əhalinin bir hissəsi evsiz qalıb.

Dövlət idarələri və vətəndaş cəmiyyətinin təşkilatları zərərçəkmişlərə kömək üçün səfərbər edilib.