Kataloniya hökuməti müstəqillik haqqında referendumdan imtina edib

Bakı. 14 oktyabr. REPORT.AZ/ Kataloniya hökuməti İspaniyadan ayrılma haqqında referendumu ləğv etmək qərarına gəlib. "Report" Reuters-ə istinadən xəbər verir ki, bu barədə regionun rəhbəri Artur Mas muxtar vilayətinin ayrılmasının tərəfdarı olan üç millətçi siyasi partiyanın rəhbərləri ilə keçirdiyi 9 saatlıq görüşdən sonra bildirib. 

Kataloniyanın rəhbəri  hesab edir ki, hüquq təminatlarının olmaması səbəbindən səsvermə keçirilə bilməz.

Sentyabr ayının 30-da Kataloniya hökuməti referenduma hazırlığı dayandırmaq qərarına gəliblər. Region hökumətinin mətbuat katibi Fransesk Xoms bildirib ki, region müstəqillik uğrunda mübarizəsini davam etdirəcək.

Qeyd edək ki, referendumun noyabr ayının 9-da keçirilməsi nəzərdə tutulurdu.