Venesuelanın paytaxtında keçirilən etiraz aksiyalarında 46 nəfər xəsarət alıb

Bakı. 21 may. REPORT.AZ/ Venesuelanın paytaxtı Karakas şəhərində keçirilən etiraz aksiyalarında 50-ə yaxın insan xəsarət alıb.

"Report" xəbər verir ki, bu barədə paytaxtın Çakao rayonunun rəhbəri Ramon Muçaço öz "Twitter"ində yazıb.

Onun sözlərinə görə, ümumilikdə 46 nəfər yaralanıb. Onlardan 30-u zədə alıb, 2-i isə yanıq xəsarətlidir. Aksiyaçılardan 2-də yüksək qan təzyiqi qeydə alınıb. 

Qeyd edək ki, Karakasda naməlum şəxs avtomobilini etirazçıların üstünə sürüb. Nəticədə bir nəfər xəsarət alıb. 

Xatırladaq ki. Venesuelada yüz minlərlə insan küçələrə çıxaraq ölkə prezidenti Nikollas Madduroya etirazın 50-ci gününü qeyd edib.