Bakı. 11 may. REPORT.AZ/ Venesuelanın paytaxtı Karakasda keçirilən etiraz aksiyaları zamanı xəsarət alanların sayı 93 nəfərə çatıb.
"Report" RİA "Novosti"yə istinadən xəbər verir ki, bu barədə Çakao rayon administrasiyasının rəhbəri Ramon Muçaço məlumat verib.
"Çakao sağlamlıq mərkəzinin balansı: 93 xəstə. Onlardan ikisi güllə yarası (həyatları təhlükədə deyil), 72 nəfər travma, 6 nəfər isə qırma yarası alıb, 13 nəfərə nəfəs tutulması daqonozu qoyulub. Ölən yoxdur", — deyə Muçaço "Twitter" mikrobloqunda yazıb.
Venesuelada etirazlar aprelin 4-də Ali Məhkəmənin müxalifyönlü Milli Assambleyanın hakimiyyətinin ciddi şəkildə məhdudlaşdırılması barədə qərarından sonra başlayıb.
Bu dövr ərzində ölənlərin sayı, müxtəlif qiymətləndirmələrə görə, 39-46 nəfər arasında dəyişir.