Bakı. 30 mart. REPORT.AZ/ Kanadada kiçik təyyarənin qəzaya uğraması nəticəsində 6 nəfər həyatını itirib.
"Report" CBC-yə istinadən xəbər verir ki, qəza Kvebek əyalətində, Madlen adalarında baş verib.
Hava gəmisində ümumilikdə 7 nəfər olub, onlardan 6-sı yerindəcə ölüb. Bir nəfər kişi sağ qala bilib və təcili xəstəxanaya çatdırılıb. Kişinin ağır vəziyyətdə olduğu bildirilir.
Kvebek polisi təyyarənin şəxsi mülkiyyətə aid olduğunu diqqətə çatdırıb.