Kanadada silahlı insident zamanı öldürülənlərin sayı 23-ə çatdı

Kanadanın Yeni Şotlandiya vilayətində aprelin 20-də baş vermiş silahlı insident zamanı öldürülənlərin sayı artıb.

“Report” RİA “Novosti”yə istinadən xəbər verir ki, bu barədə ölkə polisi məlumat yayıb.

Məlumata görə, hadisə nəticəsində dünyasını dəyişən şəxslərin sayı 23 nəfərə çatıb.

"On yeddi yaşlı daha bir qurban da daxil olmaqla, ölənlərin sayının 23 nəfər olduğunu hesab edirik. Bütün digər qurbanlar böyüklərdir, həm kişilər, həm də qadınlar" - xəbərdə deyilir.

Qeyd edilir ki, ölənlər arasında həmçinin Kanada polisində 23 il işləmiş zabit də var.