Kamerunda separatçılar 25 nəfəri öldürüb

Separatçıların Kamerunun cənub-qərbindəki kəndə hücumu zamanı 25 nəfər öldürülüb.

“Report” xəbər verir ki, bu barədə “Frans Press” agentliyi məlumat yayıb.

Qeyd olunub ki, Eqbekau kəndinə hücum nəticəsində 19 kişi, beş qadın və bir uşaq öldürülüb.

Kamerunun qərbində bir neçə ildir ki, ingilisdilli bölgələr əsasında öz dövlətini yaratmağa çalışan separatçı gizli qrup fəaliyyət göstərir.

Kamerunun 22 milyonluq əhalisinin böyük hissəsi fransızca danışır, beşdə biri isə müstəmləkə dövründə Britaniya İmperiyası tərəfindən idarə olunan qərb ərazilərində yaşadıqları üçün ingilis dilindən istifadə edir.