Kalın: “Ukraynanın ərazi bütövlüyü və suverenliyi amili nəzərə alınmalıdır”

“Sülh sazişi əldə edilən zaman Ukraynanın ərazi bütövlüyü və suverenliyi amili nəzərə alınmalıdır”.

“Report” “Anadolu”ya istinadən xəbər verir ki, bunu Türkiyə Prezidentinin rəsmi nümayəndəsi İbrahim Kalın bildirib.

Onun sözlərinə görə, Ukraynada hərbi vəziyyət daha da pisləşir: “Bu, çox təəssüfləndirici məqamdır, çünki hərbi əməliyyatların digər bölgələrə genişlənməsi Ukraynaya, bu ölkənin ərazi bütövlüyünə, enerji sahəsinə, ərzaq təhlükəsizliyinə və digər amillərə fayda verməyəcək”.