Bakı. 25 aprel. REPORT.AZ/ Əfqanıstanın paytaxtı Kabildə baş verən partlayışda ölənlərin sayı 60 nəfərə çatıb.
"Report"un TASS-a istinadən məlumatına görə, bu barədə "TOLOnews" telekanalına ölkənin Səhiyyə Nazirliyinin nümayəndəsi xəbər verib.
Xəbərdə bildirilir ki, hadisə zamanı 129 nəfər xəsarət alıb. Terror aktı nəticəsində azı 9 uşaq həlak olub, daha 18 azyaşlı yaralanıb.
Hadisə terrorçu-kamikadze tərəfindən paytaxtın Daşt-e-Barçi rayonunda törədilib. Terror aktına görə məsuliyyəti İŞİD qruplaşması üzərinə götürüb.
Daha əvvəl terror aktı zamanı 57 nəfərin həlak olduğu, 119 nəfərin yaralandığı bildirilirdi.