"John F. Kennedy" aviadaşıyıcısının göyərtəsində matros güllələnib

ABŞ-yə məxsus "John F. Kennedy" aviadasıyıcısında atışma zamanı bir matros həlak olub, bir nəfər isə yaralanıb.

"Report" xəbər verir ki, bu barədə "Stars and Stripes" nəşri ABŞ Hərbi Dəniz Qüvvələrinin nümayəndəsinə istinadən məlumat yayıb.

Qeyd olunub ki, hadisə nəticəsində bosman köməkçisi Cess Brasuell həlak olub. Nəşrin məlumatına görə, daha bir matros həbs olunub, lakin ona qarşı hələlik ittiham irəli sürülməyib.

İstintaq ABŞ Hərbi Dəniz Qüvvələrinin Cinayət Araşdırmaları Xidməti tərəfindən aparılır.

Məlumata görə, aviadasıyıcı hələ donammaya təhvil verilməyib. Hazırda gəmi Nyuport limanındadır (Virciniya ştatı). Onun heyəti ən azı 43 dənizçidən ibarətdir.