İsveç Ukraynaya maliyyə yardımı ayırıb

İsveç hökuməti Ukraynaya 64 milyon dollarlıq maliyyə yardımı ayırıb.

“Report” xəbər verir ki, bunu SVT telekanalına müsahibəsində İsveçin beynəlxalq əməkdaşlıq naziri Yuhan Forsel deyib.

Nazir vurğulayıb ki, bu maliyyə vəsaiti dağılmış məktəblərin, xəstəxanaların, mənzillərin, infrastrukturun, o cümlədən enerji sektorunun və kənd təsərrüfatının bərpası üçün istifadə olunacaq.

Onun sözlərinə görə, İsveç birmənalı şəkildə bildirib ki, Ukraynaya dəstəyi uzunmüddətli olacaq: “Bu yardım paketi ilk deyil və sonuncu da olmayacaq”.