İsrailin Qəzzaya endirdiyi zərbə nəticəsində Türkiyə telekanalının əməkdaşı yaralanıb

İsrail ordusunun Qəzza zolağının mərkəzindəki Nuseyrat düşərgəsinə endirdiyi zərbələr nəticəsində Türkiyənin “TRT Arab” telekanalının əməkdaşları yaralanıb.

“Report” xəbərə verir ki, bu barədə “TRT Haber” məlumat yayıb.

Bildirilib ki, onlardan biri ağır yaralanıb və əməliyyata alınıb, digər əməkdaş isə hadisədən xəsarət almadan xilas ola bilib.

Vurğulanıb ki, hava zərbəsi nəticəsində yaralananlar arasında digər media nümayəndələri də var.