İsrailin maliyyə naziri koronavirusa yoluxub

İsrailin maliyyə naziri Aviqdor Libermanın koronavirus testi müsbət çıxıb.

"Report" xəbər verir ki, nazir bu barədə tviter hesabında yazıb.

"Özümü yaxşı hiss edirəm və yaxın bir neçə günü Nokdimdəki evimdə təcrid olunmuş vəziyyətdə keçirəcəyəm", - Liberman qeyd edib.

Maliyyə naziri bundan sonra da distant rejimdə işləməyə davam edəcəyini qeyd edib.

Bundan əvvəl İsrailin xarici işlər naziri Yair Lapiddə koronavirus aşkarlanıb.