İsrail ordusu Beyrutun cənub şəhərətrafına zərbə endirib

İsrail Müdafiə Qüvvələri (İMQ) Beyrutun cənub ətrafına güclü hava zərbələri endirib.

Bu barədə “Report” “Reuters”ə istinadən xəbər verir.

Agentliyin təhlükəsizlik qüvvələrindəki adıaçıqlanmayan mənbəyinə görə, İsrailin azı iki zərbəsi Livan paytaxtının cənub ətrafındakı Leylaki rayonuna dəyib. “Reuters”in müxbirləri də güclü parıltılar və bərk partlayışlar barədə məlumat veriblər.

Daha əvvəl İsrail hərbçiləri sıx məskunlaşmış cənub ətraflarındakı müəyyən binalara zərbə endiriləcəyi barədə xəbərdarlıq etmişdilər.

Qeyd olunur ki, son günlərdə İsrail zərbələrinin artmasından sonra bir çox sakin bu rayonu tərk edib.