İsrail hərbçiləri terrorçuluqda şübhəli bilinən 70 fələstinlini saxlayıb

İsrail Müdafiə Ordusu İordan çayının qərb sahilində keçirilən əməliyyat zamanı terror fəaliyyətində iştirakda şübhəli bilinən axtarışda olan 70 fələstinlini saxlayıb.

"Report" xəbər verir ki, bu barədə İsrail Müdafiə Ordusunun mətbuat xidməti məlumat yayıb.

Vurğulanıb ki, hüquq-mühafizə qüvvələri reydlər zamanı təxminən 200 şübhəlini dindirib və 300 ərazidə axtarış aparıb.

Hərbçilər qeyd ediblər ki, saxlanılan şəxslərdən bəziləri radikal "HƏMAS" hərəkatı ilə əlaqədə şübhəli bilinir.