İsrail Hələbdəki hərbi zavodlara aviazərbələr endirib

İsrail Hərbi Hava Qüvvələrinə məxsus qırıcılar Suriyanın Hələb şəhərinin cənub-şərqində yerləşən hərbi obyektlərə aviazərbələr endirib.

“Report” xəbər verir ki, bu barədə “Al Hadath” telekanalı məlumat yayıb.

Qeyd olunub ki, partlayışlar hərbi fabriklərin və anbarların yerləşdiyi Es-Safira sənaye zonasında baş verib.

Suriyanın “SANA” agentliyi partlayışlara səbəbin İsrailin hava hücumunun olduğunu təsdiqləyib. Digər təfərrüatlar açıqlanmır.