İspaniyanın Araqon muxtar icmasında meşə yanğını 12 min hektar sahəni əhatə edib

İspaniyanın Araqon muxtar icmasının Ores bələdiyyəsindəki meşə yanğını 12 min hektar sahəni əhatə edib.

"Report" xəbər verir ki, bu barədə EFE agentliyi məlumat yayıb.

Yanğın səbəbindən Sinko-Vilyas regionundakı Ores, Asin, Luesiya, Malpika-de-Arba və Unkastilyo şəhərlərinin sakinlərinin təxliyəsi həyata keçirilib.

Araqon hökumətinin daxili işlər naziri Roberto Bermudes de Kastro bildirib ki, cəlb edilmiş resurslar ən çox narahatlıq doğuran iki rayonu: Unkastilyo və Malpika-de-Arbanı qorumağa imkan verib.

"Bu gün biz yerdə təxminən 450 nəfərin, 30-dan çox təyyarənin və çevik reaksiya bölməsinin 300-dən çox hərbi qulluqçusunun iştirakı ilə mühüm əməliyyatı davam etdirəcəyik", - o qeyd edib.