İspaniyada iyunda anomal istilər səbəbindən ölənlərin sayı 900-ə çatıb

İspaniyada iyunda anomal istilərlə əlaqədar ölənlərin sayı 900-ə çatıb.

"Report" xəbər verir ki, bu barədə "El Pais" məlumat yayıb.

Bu ilin iyun ayında İspaniyada havanın temperaturu üzrə rekordlar iki dəfə yenilənib. Bəzi yerlərdə gündüz saatlarında göstəricilər +35°C həddini aşıb, bəzi regionlarda isə ekstremal +40°C-yə çatıb.

Qeyd olunub ki, iyun 2015-ci ildə statistika aparılmağa başlanandan bəri istilər səbəbindən ən çox ölüm halının qeydə alındığı ikinci ay olub. Bu 11 il ərzində iyun ayında orta göstərici 328 ölüm təşkil edib, eyni zamanda 2017-ci ildə onların sayı 1 000-ə çatıb.

Mayın sonunda istilər səbəbindən 101 nəfər ölüb.