İspaniyada əhalinin 70 faizi vaksinasiya olunub

İspaniyanın Baş naziri Pedro Sançez ölkə sakinlərinin 70%-nin koronavirusa qarşı tam peyvənd edildiyini bildirib.

"Report"un xəbərinə görə, bu barədə Sançez tvitter hesabında yazıb.

Baş nazir 40 yaşdan yuxarı sakinlərin 90%-dən çoxunun hər iki dozada, 20-29 və 12-19 yaş qruplarında olan yeniyetmə və gənclərin 70%-dən çoxunun birinci dozada peyvənd olunduğunu deyib.

Pandemiyanın başlanmasından bəri İspaniyada 4,9 milyon sakin koronavirusa yoluxub, 84,4 mindən çox insan xəstəlikdən ölüb, 4,4 milyonu isə tamamilə sağalıb.