İspaniya Rusiya vətəndaşlarına “qızıl” vizaların verilməsini dayandırıb

İspaniya hökuməti Rusiya vətəndaşlarına “qızıl” vizaların verilməsini müvəqqəti olaraq dayandırıb.

“Report” TASS-a istinadən xəbər verir ki, bu barədə İspaniya XİN məlumat yayıb.

Söhbət Avropa İttifaqına (Aİ) daxil olmayan ölkə vətəndaşlarının böyük investisiyalar müqabilində İspaniyada yaşamasına icazə verilməsindən gedir.

Bundan başqa, bildirilir ki, İspaniyanın xarici işlər naziri Xose Manuel Albares Rusiya vətəndaşlarına viza verilməsini, həmçinin artıq daxil olmuş sorğuların baxılmasını müvəqqəti dayandırmaq barədə tapşırıq verib. Bu qərar Aİ-nin Rusiyaya qarşı sanksiyaları fonunda qəbul edilib.