İtaliyada zəlzələ olub

Bakı. 19 noyabr. REPORT.AZ/ İtaliyanın mərkəzində 4,4 bal gücündə zəlzələ olub.

"Report" xəbər verir ki, bu barədə ölkənin Geofizika və Vulkanologiya Milli İnstitutu məlumat yayıb.

Məlumatda bildirilir ki, yeraltı təkanlar Emiliya-Romanye vilayətində, Fornovo-di-Taro şəhərindən 4 kilometr məsafədə qeydə alınıb. Zəlzələ ocağı 31 kilometr dərinlikdə yerləşib.

Zəlzələnin episentrindən 20 kilometr radiusda 97 min insan yaşayır.

Xəsarət alanlar və ya dağıntı barədə məlumat verilmir.