İtaliya təyyarəsi Astanaya təcili eniş edib

Bakı. 20 may. REPORT.AZ/ İtaliyanin "Neos" aviaşirkətinə məxsus təyyarə Qazaxıstanın paytaxtı Astananın hava limanına təcili eniş edib.

"Report" xəbər verir ki, bu barədə hava limanının məlumat xidməti xəbər verib.

Xəbərdə bildirilir ki, buna səbəb təyyarədə yaranmış texniki nasazlıq olub. Nasazlıq aradan qaldırıldıqdan sonra təyyarə müəyyən edilmiş yerə uçub.

Hadisə zamanı onun göyərtəsində 272 sərnişin olub. Onların hamısı Çin vətəndaşları olub.