İtaliya AB-yə üzv ölkələrin hərbçilərinin Liviyaya göndərilməsinə razıdır

İtaliyanın baş naziri Cuzeppe Konte Avropa Birliyinə üzv ölkələrin Liviyaya hərbi kontingent göndərmə ehtimalını müsbət dəyərləndirib.

“Report”un xəbərinə görə, bu barədə ANSA məlumat yayıb.

Onun sözlərinə görə, münaqişə tərəfləri arasında hərbi əməliyyatlar dayandırıldıqdan sonra Avropa Birliyinin qüvvələri Afrika ölkəsində sülhməramlı fəaliyyət göstərməli olacaqlar.

“Hərbi münaqişə bitdikdən sonra Liviyaya vasitəçilik və sülh kontingenti göndərmək üzərində iş aparılacaq. Artıq deyə bilərik ki, biz buna razıyıq”.