İsveçrənin mərkəzi vağzallarından birində insanlar təxliyyə olunub

Bakı. 8 oktyabr. REPORT.AZ/ İsveçrədə partlayış təhlükəsi ilə əlaqədar mərkəzi vağzalda insanlar təxliyyə olunub.

"Report" "Sputnik.news.com"a istinadən xəbər verir ki, hadisə Lozanna şəhərinin mərkəzi vağzalında baş verib. 

Hadisəyə səbəb vağzalın mərkəzi hissəsində şübhəli əşyanın tapılması olub. Dayanacaqdakı qatar və avtomobillərin hərəkəti, eləcə də metronun gediş-gəlişi dayandırılıb. 

Hadisə yerinə minaaxtaranlar cəlb edilib.