İsveç Culian Asanjın ekstradisiyasını tələb edəcək

İsveç prokurorluğu “Wikileaks” saytının təsisçisi Culian Asanjın təhvil verilməsini tələb etmək niyyətindədir.

“Report” RİA "Novosti”yə istinadən xəbər verir ki, bunu ölkənin Baş dairə prokurorunun müavini Eva Mariya Persson mətbuat konfransında bildirib.

“Böyük Britaniyada cəzasını çəkib qurtarandan sonra Avropa həbs orderinə müvafiq olaraq onun ekstradisiyasını tələb edəcəyik” – prokurorluq rəsmisi deyib.