İstanbulda Rusiya vətəndaşları saxlanılıb

Bakı. 6 mart. REPORT.AZ/ Türkiyənin İstanbul şəhərində dörd Rusiya vətəndaşı saxlanılıb.

"Report"un TASS-a istinadən məlumatına görə, bu barədə Rusiyanın İstanbuldakı Baş Konsulluğunun mətbuat katibi Sergey Losev xəbər verib.

O, qeyd edib ki, Rusiya vətəndaşları qadağan olunmuş əşyaları daşıdıqlarına görə saxlanılıblar. Saxlanılanlardan ikisi həbs edilib.

S.Losev həmçinin əlavə edib ki, baş konsulluq saxlanılanlarla və hüquq-mühafizə orqanları ilə əlaqə saxlayır.