İsraildə koronavirusa yoluxanların sayı kəskin artdı

İsraildə daha 90 nəfərdə koronavirus aşkarlanıb.

“Report” “Jerusalem Post”a istinadən xəbər verir ki, ölkədə virusa yoluxanların sayı 427 nəfərə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 166 ölkə və bölgədə qeydə alınıb. Dünyada koronavirus infeksiyasına indiyədək yoluxanların sayı 199 055-ə çatıb. Bunların 82 789 nəfəri sağalıb, 7 991 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.