İsraildə karantin rejimi yumşaldıldı

İsraildə koronavirus pandemiyası ilə əlaqədar məhdudiyyətlər tətbiq edilən kafe, restoran və digər ictimai iaşə obyektlərinin fəaliyyəti bərpa olunub.

“Report” “RİA Novosti”yə istinadən xəbər verir ki, bu barədə hökumətin mətbuat xidməti məlumat yayıb.

Məlumata görə, karantin rejiminin yumşaldılmasına baxmayaraq, ictimai yerlərdə sosial məsafənin qorunması və tibbi maskadan istifadə tələbi qüvvədə qalır.

Qeyd edək ki, İsraildə indiyədək 16 771 nəfərə koronavirus diaqnozu qoyulub. Onlardan 14 486 nəfər sağalsa da, 281 nəfər ölüb.