İsraildə bütün yanğın ocaqları söndürülüb

Bakı. 27 noyabr. REPORT.AZ/ İsrail ərazisində baş qaldıran bütün yanğınlar söndürülüb.

"Report" xəbər verir ki, bu barədə ölkənin yanğınsöndürmə xidmətinə istinadən "Frans Press" məlumat yayıb.

Bu həftə İsrailin eyni zamanda bir neçə ərazisində güclü meşə yanğınları baş qaldırıb.

Yanğınların söndürülməsində Azərbaycan, Türkiyə, Rusiya, Yunanıstan, İtaliya, Xorvatiya, Kipr və İspaniya təyyarələri iştirak edib.