İsrail İordan çayının Qərb sahilində 2 minə yaxın ev tikəcək

Bakı. 31 mart. REPORT.AZ/ İsrailin Hərbi-Siyasi Kabineti İordan çayının Qərb sahilində uzun illər ərzində ilk yəhudi məskəninin tikintisini yekdilliklə təsdiq edib.

"Report" xəbər verir ki, bu barədə ölkənin baş naziri Binyamin Netanyahu öz "Facebook" səhifəsində yazıb.

“Baş nazir Netanyahunun rəhbərlik etdiyi Hərbi-Siyasi Kabinet Amon sakinləri üçün Şilox vadisi ərazisində yeni qəsəbənin salınmasına razılıq verib”, - deyə məlumatda bildirilir.

Qeyd olunur ki, hazırda 2 minə yaxın evin tikintisi planlaşdırılır.