Bakı. 2 may. REPORT.AZ/ Terrorçu İŞİD qruplaşmasının İraq hərbçilərinin düşərgəsinə hücumu nəticəsində azı 10 hərbçi ölüb, 6 nəfər yaralanıb.
“Report” “Sky News Arabia” telekanalına istinadən xəbər verir ki, terrorçular ölkənin qərbində Anbar əyalətindən 310 km aralı Ər-Rutba şəhərinin Əs-Sukkar ərazisində olub.
İraqın hökumət qoşunları bu il aprelin 22-də Anbar əyalətininin qərbini terrorçulardan təmizləmək üçün kampaniyaya başlayıb.
Məlumata görə, əyalətin Əl-Kaim, Rava və Ana şəhərləri terrorçuların əlindədir.