İrlandiyada hücumlar nəticəsində 1 nəfər ölüb, 2-si yaralanıb

Bakı. 3 yanvar. REPORT.AZ/ İrlandiyanın Dandolk şəhərində naməlum şəxslərin hücumu nəticəsində bir nəfər ölüb, daha ikisi yaralanıb.

"Report" BBC-yə istinadən xəbər verir ki, ölən şəxs Yaponiya vətəndaşıdır. O, kürəyindən bıçaqlanıb.

Daha iki İrlandiya vətəndaşı xəstəxanaya yerləşdirilib, onlara metal çubuqla xəsarət yetirilib.

Hər üç hücum şəhərin müxtəlif yerlərində qeydə alınıb.

Araşdırma zamanı Misir vətəndaşı saxlanılıb. Hücumların motivləri araşdırılır.