Bakı. 12 avqust. REPORT.AZ/ İraqın şimalında yerləşən Kürdüstan muxtariyyətinin rəhbərliyi müstəqilliklə bağlı referendumu təxirə salmamaq barədə qərar qəbul edib.
"Report" xarici KİV-lərə istinadən xəbər verir ki, bunu muxtariyyətin nümayəndəsi Xoşiyar Zebari bildirib.
O vurğulayıb ki, referendum əvvəldən elan olunduğu kimi, sentyabrın 25-də keçiriləcək.
Qeyd edək ki, bir neçə gün əvvəl ABŞ-ın dövlət katibi Reks Tillerson İraqdakı Kürdüstan muxtariyyətinin rəhbəri Məsud Barzani ilə telefon danışığında referendumu təxirə salmağa çağırmışdı.