İraqda silahlıların hücumu nəticəsində 7 nəfər ölüb

Bakı. 2 may. REPORT.AZ/ İraq paytaxtı Bağdadın şimalında yerləşən Et-Tarmiya şəhərində silahlıların həyata keçirdiyi hücum nəticəsində 7 nəfər ölüb, 13 nəfər yaralanıb.

"Report" RİA "Novosti"yə istinadən xəbər verir ki, bu barədə "Al-Sumaria" telekanalı təhlükəsizlik qüvvələrindəki mənbəyə istinadən məlumat verib.

Mənbə bildirib ki, hücumu İŞİD terror qruplaşmasının "yatan" yuvası həyata keçirib, hücumun hədəfi müəyyən insanlar olub.