İraqda kütləvi qəbiristanlıqlarda 40 uşağın cəsədi aşkarlanıb

Bakı. 3 dekabr. REPORT.AZ/ İraq hərbçiləri Kürdüstan vilayətinin Sincar şəhəri yaxınlığındakı iki kütləvi kütləvi qəbiristanlıqda 140 dinc sakinin cəsədlərini aşkarlayıb.

"Report" xəbər verir ki, bu barədə "Al-Arabiya" məlumat yayıb.

Qeyd edilir ki, onlar 2014-cü ildə İŞİD tərəfindən edam ediliblər. Terrorçular həmçinin qadınları və gənc qızları seksual zorakılıq məqsədilə qul kimi satmaq üçün oğurlayıblar.

Hərbçilər bildiriblər ki, Sincarın cənubundakı Kabusi kəndində 20 qadının və 40 uşağın cəsədlərini aşkarlayıblar. 80 cəsədin olduğu ikinci qəbristanlıq Cəzirə yaşayış məntəqəsində aşkarlanıb.