Bakı. 13 avqust. REPORT.AZ/ İraqın şimalındakı hərbi əməliyyatlar zamanı ABŞ-ın 2 hərbi qulluqçusu həlak olub.
"Report" xəbər verir ki, bu barədə "RİA Novosti" İŞİD terror qruplaşması ilə mübarizə beynəlxalq koalisiyanın qərargahının açıqlamasında bildirilir.
Açıqlamada qeyd olunur ki, daha 5 ABŞ əsgəri yaralanıb. ABŞ generalı, İŞİD-ə qarşı əməliyyatların komandanı Stiven Taunsend ölənlərin ailələrinə və dostlarına başsağlığı verərək həlak olanları qəhrəman adlandırıb.
İlkin məlumata görə, insident düşmənlə toqquşma zamanı baş verməyib. Hazırda təhqiqat aparılır.