İran və İraq İsrailin humanitar yardım təklifini rədd edib

Bakı. 16 noyabr. REPORT.AZ/ Bu həftə yüzlərlə insanın ölümünə səbəb olan zəlzələdən əziyyət çəkmiş İran və İraq hökumətləri İsrailin humanitar yardım göstərmək istəməsinə dair təklifini qəbul etməyib.

“Report” xəbər verir ki, bu barədə çərşənbə günü yəhudi dövləti baş nazirinin dəftərxana nümayəndəsinə istinadən JTA agentliyi məlumat yayıb.

İsrail Beynəlxalq Qırmızı Xaç Komitəsi vasitəsi ilə bu ölkələrə avadanlıq və dava-dərman göndərmək niyyətində idi.