​İran və "altılıq" ölkələri nüvə proqramı üzrə razılığa gəlib

Bakı. 2 aprel. REPORT.AZ/ İran və "altılıq" ölkələri arasında nüvə proqramı məsələləri üzrə yekun plenar iclas başa çatıb.

"Report"un məlumatına görə, İranın xarici işlər naziri Cavad Zərif bildirib ki, Lozannada keçirilən danışıqların yekununda əsas məsələlər üzrə həll yolları tapılıb.

"Həll yolları tapılıb. Biz sənəd layihəsi üzərində dərhal işə başlamağa hazırıq" – deyə nazir Twitter səhifəsində yazıb.

Danışıqlar zamanı nüvə proqramı üzrə razılaşmanın əldə olunması üzrə məlumatı Almaniyanın XİN rəhbəri də Twitter-də təsdiq edib.