İndoneziyada daha 170 yeraltı təkan qeydə alınıb - VİDEO

Bakı. 30 sentyabr. REPORT.AZ/ İndoneziyada 420 nəfərin ölümünə səbəb olan dağıdıcı zəlzələnin baş verdiyi Sulavesi adasında daha 170 yeraltı təkan qeydə alınıb.

"Report" xarici mətbuata istinadən xəbər verir ki, bu barədə ölkənin Təbii Fəlakətlərin Nəticələrinin Aradan Qaldırılması üzrə Milli Agentliyinin rəsmi nümayəndəsi Sutopo Nuqroho bildirib.

O, qeyd edib ki, adanın bir neçə rayonu ilə indiyədək əlaqə yaratmaq mümkün olmayıb.

İndoneziyada 7,4 bal gücə malik birinci yeraltı təkan sentyabrın 28-də qeydə alınıb. Təbii hadisə nəticəsində 420 nəfər ölüb, yüzlərlə insan xəsarət alıb.

Zəlzələdən sonra çoxsaylı yeraltı təkanlar qeydə alınıb.